Here’s the real reason to turn on airplane mode when you fly

هێزە ئەمنییەكانی عیراق دەستگیركردنی شانەیەكی تیرۆریستانی داعشیان لە كەركوك راگەیاند، كە ئەركیان دابینكردنی پاڵپشتی لۆجستیی بووە بۆ چەكدارەكانیان.

شانەی راگەیاندنی ئەمنیی بڵاویكردەوە، لە بۆسەیەكی دەزگای ئاسایشی نیشتمانی عیراق، لەناوچەیەكی شاری كەركوك، توانرا حەوت تیرۆریستی داعش دەستگیر بكرێن.

بەپێی راگەیەندراوێكی شانەی راگەیاندنی ئەمنیی، كە ئەمڕۆ 16-7-2022 بڵاوكراوەتەوە، تیرۆریستە دەستگیركراوەكانی داعش، ئەركیان دابینكردنی پاڵپشتی لۆجستیی بووە بۆ چەكدارەكانیان.

لە راگەیەندراوەكەدا ئاماژە بەوەكراوە، كە هێزەكانی دەزگای ئاسایشی نیشتمانی عیراق، لەچەند هەڵمەتێكی هاوبەشێوەدا، 12 تیرۆریستی داعشیان لە پارێزگای ئەنبارو حەوت تیرۆریستی دیكەشیان لەناوچەیەكی باشووری پارێزگای سەڵاحەدین دەستگیركرد.